தொண்டர்களுக்கு 20 ரூபாய் வழங்கி பொங்கல் வாழ்த்து தெரிவித்த மு.க.ஸ்டாலின்!

திமுக தலைவர் ஸ்டாலின், தம்மை சந்திக்க வந்த தொண்டர்களுக்கு இருபது ரூபாய் நோட்டு வழங்கி பொங்கல் வாழ்த்து தெரிவித்தார். மறைந்த முன்னாள் முதலமைச்சரான கலைஞர், பொங்கல் நாளில் தம்மை சந்திக்க வரும் தொண்டர்களுக்கு 10 ரூபாய் நோட்டு கொடுத்து வாழ்த்து தெரிவிப்பதை வழக்கமாக வைத்திருந்தார். 

இந்நிலையில், பொங்கலை முன்னிட்டு, சென்னை ஆழ்வார்பேட்டையில் உள்ள திமுக தலைவர் ஸ்டாலின் இல்லத்திற்கு திமுக தொண்டர்கள் வந்திருந்தனர்.

மிக நீண்ட வரிசையில் காத்திருந்து, ஒவ்வொருவராக உள்ளே சென்று ஸ்டாலினிடம் வாழ்த்தும், 20 ரூபாய் நோட்டும் பெற்றனர். திமுக எம்பிக்கள், எம்எல்ஏக்கள், மாவட்ட செயலாளர்கள் மற்றும் நிர்வாகிகளும் மு.க.ஸ்டாலினிடம் வாழ்த்து பெற்றனர். பின்னர் சென்னை மெரீனாவில் உள்ள கலைஞர் நினைவிடத்திற்கு சென்று, மு.க.ஸ்டாலின் அஞ்சலி செலுத்தினார்.