நல்லுாா் கந்தசுவாமி ஆலய திருவிழாவுக்கு 650 பொலிஸாா் பாதுகாப்பு..! 20 லட்சம் பணம் கொடுக்கிறது மாநகரசபை.. மக்கள் விசனம்.

August 05, 2019ஆசிரியர் - Editor I

நல்லுாா் கந்தசுவாமி ஆலயத்தின் வருடாந்த திருவிழாவில் சுமாா் 650 பொலிஸாா் பாதுகாப்பு கடமையில் ஈடுபடுத்தப்பட்டிருக்கும் நிலையில், யாழ்.மாநகரசபை நிதியிலிருந்து 20 லட்சம் ரூபாய் பணம் செலவிடப்பட்டிருக்கின்றது.

இந்நிலையில் 20 லட்சம் ரூபாய் பணத்தில் யாழ்.மாநகர எல்லைக்குள் அபிவிருத்தியை செய்திருக்கலாம். என மக்கள் விசனம் தொிவித்துள்ளதுடன், எதற்காக 20 லட்சம் பணம் செலவிடப்பட்டது எனவும் கேள்வி எழுப்பியுள்ளனா்.

நல்லூர் கந்தனின் வருடாந்த மகோற்சவத்தை முன்னிட்டு பாதுகாப்புப் பணிக்காக வருகை தந் துள்ள 650 பொலிஸாரும் 5 பாடசாலைகளில் தங்க வைக்கப்பட்டுள்ளனர். அவர்கள் தங்கியுள்ள பாடசாலைகளுக்கான மின்சார வசதி, தங்குமிடவசதி ஆகியவற்றுடன்

பொலிஸாரின் குளியல் மற்றும் பொதுப் பாவனைக்கான தண்ணீர் வசதிகளும் மாநகர சபையே ஏற்படுத்தி கொடுக்க வேண்டும்.குறித்த 650 பொலிஸாருக்கும் தினமும் இரு நேர தேநீர், சிற் றுண்டி, குடிதண்ணீர்ப் போத்தல் என ஒரு பெரும் தொகையே செலவு ஏற்படுகின்றது.

இவ்வாறு ஏற்படும் செலவுகளில் குடிதண்ணீருக்காக 2 லட்சத்து 60 ஆயிரத்து 780 ரூபாவும் , பிஸ் கட் வழங்குவதற்கு 5 லட்சத்து 7 ஆயிரம் ரூபாவும் தேநீர்ச் செலவாக 5 லட்சம் ரூபாவும் ஏனைய செலவாக 60 ஆயிரம் ரூபாவும் தேவைப்படுகின்றது.

மற்றும் பிற இதர செலவுகளுடன் 20 லட்சம் ரூபா செலவு ஏற்படும் எனக் கண்டறியப்பட்டுள் ளது. இவ்வாறு கடமைக்குச் சமுகமளிக்கும் பொலிஸாருக்கு மடுத் திருத்தலம் போன்றவற்றில் உள்ளூ ராட்சி மன்றங்கள் நிதிச் செலவு செய்கின்றனவா என்று ஆராயப்பட்டதில்

அவ்வாறு எந்தச் செலவும் உள்ளூராட்சி மன்றம் மேற்கொள்வதில்லை என்றே கண்டறியப்பட்டது. அதனால் இந்த நிதியில் பெரு அபிவிருத்திகளைச் செய்யலாம் என்று தெரிவிக்கப்பட்டது. இதே வேளை, முன்னைய வருடங்களைப் போலன்றி

நல்லூர் இந்த முறை கச்சான் கடை நடத்துவதற்கான ஏலமிடப்பட்டபோது 10 ஆயிரம் ரூபாவிலி ருந்து 30 ஆயிரம் ரூபாவுக்கிடையிலான தொகையே கேட்கப்படும் அளவுக்கு நிலைமை உள்ளது என்று தெரிவிக்கப்படுகிறது.

கடந்த வருடம் சுமார் 75 ஆயிரம் ரூபாவுக்கு ஏலம் கேட்கப்பட்டதாகத் தெரிவிக்கப்பட்டது.