யாழ்.குடாநாட்டில் உருவாக்கப்பட்டுள்ள புதிய ரவுடி குழு..! விசேட அதிரடிப்படை, பொலிஸாா் இணைந்து தேடுதல்..
யாழ்.குடாநாட்டில் வாள்வெட்டு குழு ஒன்று புதிதாக உருவாகியுள்ளதாக கூறியிருக்கும் பொலிஸாா், குறித்த குழுவை பிடிப்பதற்காக விசேட அதிரடிப்படையினா் மற்றும் பொலிஸாா் இணைந்து தேடுதல் நடவடிக்கையில் இறங்கியுள்ளனா்.
யாழ்ப்பாணத்தில் அண்மைக்காலமாக வாள்வெட்டுக் குழுக்களின் அட்டாகாசம் தொடர்ந்தவாறு காணப்படுகின்றது. யாழ்ப்பாணம் பாசையூரைத் தளமாகக்கொண்டு தற்போது ஒரு வாள்வெட் டுக் குழு உருவாகியுள்ளது.
யாழ்ப்பாணம் கொழும்புத்துறைச் சந்தியில் நேற்றுமுன்தினம் குருநகர் பகுதியைச் சேர்ந்த இரு இளைஞர்கள் மீது வாள்வெட்டு மேற்கொள்ளப்பட்டுள்ளது. வாள்வெட்டுக்கு இலக்காகிய இரு இளைஞர்களும் யாழ்ப்பாணம் போதனா வைத்தியசாலையில்,
சேர்க்கப்பட்டு சிகிச்சை அளிக்கப்பட்டு வருகின்றனர். இந்த நிலையில், வெட்டியவர்கள் யார் என்று பொலிஸார் விசாரணை நடத்தியவேளையில், பாசையூர் பகுதியைச் சேர்ந்தவர்கள் என் றும், புதிதாக வாள்வெட்டு குழுவாக உருவாகியுள்ளனர்
என்றும் பொலிஸார் மற்றும் சிறப்பு அதிரடிப்படையினருக்குத் தகவல் கிடைத்துள்ளது. அதன்படி யாழ்ப்பாணப் பொலிஸார் மற்றும் சிறப்பு அதிரடிப் படையினர் பாசையூர் உட்பட ஈச்சமோட்டை ஆகிய பகுதிகளில் தேடுதல் நடவடிக்கையில் ஈடுபட்டுள்ளனர்.
தேடுதல் நடவடிக்கையின் போது, வாள்வெட்டுக்குழுக்களுடன் சம்பந்தப்பட்டவர்களைக் கைது செய்வதற்கான நடவடிக்கைகளையும் முன்னெடுத்து வருகின்றனர் என்று தெரிவிக்கப்பட்டது.