கல்முனை முஸ்லிம்களின் தலைநகராம்..!
கல்முனை பிரதேசம் முஸ்லிம்களின் தலைநகா். அதனை பாதுகாக்கவேண்டிய பொறுப்பு இலங்கையில் உள்ள ஒவ்வொரு முஸ்லிமுக்கும் இருக்கிறது. என கூறியிருக்கும் முஸ்லிம் காங்கிரஸ் கட்சியின் உயா் பீட உறுப்பினா் யஹ்யாகான்,
குழுக்களை அமைப்பதால் மட்டும் மக்களுடைய தேவைகளை நிவா்த்தி செய்ய முடியாது. பௌத்த பிக்குகளின் நிகழ்ச்சி நிரலுக்கு முஸ்லிம் மக்கள் அடிபணிய கூடாது எனவும் அவா் கூறியிருக்கின்றாா்.
இது குறித்து அவர் விடுத்துள்ள அறிக்கையில் தெரிவிக்கப்பட்டுள்ளதாவது, கல் முனை வடக்குஉப பிரதேச செயலகம் என்ற கோரிக்கையை முன்னிறுத்தி தமிழ் சகோதரர்கள் முன்னெடுத்திருந்த போராட்டம் அவர்களுக்கான
பிரதேச செயலகத்தை பெறுவது என்பதைவிட அடையாளமற்று இருந்த சில அரசி யல்வாதிகள் தங்களது முகவரிகளை புதுப்பிக்கும் நிகழ்வாகும். கல்முனை வடக்குஉப பிரதேச செயலகம் அவசியம் என்று அந்த மக்கள் கருதினால்
துறவிகளதும் அரசியல்வாதிகளதும் நிகழ்ச்சி நிரலுக்கு அடிபணிந்துவிடாது சிவில் சமூக தலைவர்கள் பேசி சிறந்த முடிவுக்கு வரமுடியும். மறுபுறம் கல்முனை விடயத் துக்கு தீர்வு ஒன்றைப் பெற்றுக்கொடுக்க பல்வேறு எத்தனிப்புக்கள்
எடுக்கப்படுகின்ற இந்த சந்தர்ப்பத்தில் முப்பது வருடங்களாக உள்ளூராட்சிமன்ற கோரிக்கையை முன்னிறுத்தி போராடிவரும் சாய்ந்தமருது மக்களின் கோரிக்கையும் கிடப்பில் போடப்பட்டுள்ளது.
இந்த மக்களது பிரச்சினையை தீர்ப்பதற்கும் பல்வேறு குழுக்கள் நியமிக்கப்பட்டன. அவற்றுக்கும் என்ன நடந்தது என்று புரியவில்லை. அந்த மக்களின் கோரிக்கையும் சமாந்தரமாக தீர்க்கப்பட வேண்டும்.
