யாழ்ப்பாணத்தில் இருந்து காரில் சென்ற 16 கிலோ கஞ்சா வாழைச்சேனையில் சிக்கியது!

யாழ்ப்பாணத்திலிருந்து மட்டக்களப்புக்கு கொண்டு செல்லப்பட்ட 16 கிலோ கஞ்சாவுடன் ஐவர் கைது செய்யப்பட்டுள்ளனர். பொலிஸாருக்கு கிடைத்த தகவலையடுத்து நேற்று இரவு இந்தக் கைது நடவடிக்கை முன்னெடுக்கப்பட்டது. 

வாழைச்சேனை விபுலானந்த வீதியில் வைத்து கார்ககளை நிறுத்தி சோதனையிட்டபோது காருக்குள் மறைத்து வைத்திருந்த 16 கிலோ கேரள கஞ்சா மீட்கப்பட்டதாகப் பொலிஸார் தெரிவித்தனர்.

வவுனியாவைச் சேர்ந்த ஒருவரும், அநுராதபுரத்தைச் சேர்ந்த 4 பேர் உட்பட 5 பேரைக் கைது செய்ததுடன் இரு கார்களும் கைப்பற்றப்பட்டன. சம்பவம் தொடர்பில் வாழைச்சேனை பொலிஸார் மேலதிக விசாரணைகளை முன்னெடுத்து வருகின்றனர்.