வடக்கில் மேலும் ஒரு கொரோனா மரணம், முல்லைத்தீவு மாவட்டத்தில் 1வது கொரோனா மரணம்..

முல்லைத்தீவு மாவட்டத்தில் கொரோனா தொற்றினால் முதலாவது மரணம் பதிவாகியுள்ளது. மாவட்ட வைத்தியசாலையில் சிகிச்சை பெற்றுவந்த 44 வயதான நபரே இவ்வாறு உயிரிழந்துள்ளார். 

புதுக்குடியிருப்பு - மாணிக்கபுரத்தை சேர்ந்த குறித்த நபர் சிறுநீரக நோயினால் பாதிக்கப்பட்டிருந்ததுடன் கொரோனா தொற்றுக்கும் உள்ளாகியிருந்த நிலையில் அவர் உயிரிழந்திருக்கின்றார். 

இதேவேளை முல்லைத்தீவு மாவட்டத்தை சேர்ந்தவர்கள் 577 பேருக்கு இதுவரை கொரோனா தொற்று உறுதிப்படுத்தப்பட்ட நிலையில் 346 பேர் சிகிச்சை பெற்று வீடுகளுக்கு திரும்பியுள்ளனர். 

231 பேர் தொடர்ந்து சிகிச்சை பெற்று வருகின்றனர்.கொரோனா தொற்றாளர்களுடன் தொடர்புகளை பேணிய 1224 குடும்பங்களை சேர்ந்த 3179 பேர் தனிமைப்படுத்தப்பட்டுள்ள நிலையில் 

487 குடும்பங்களை சேர்ந்த 1156 பேர் தனிமைப்படுத்தல் காலத்தை நிறைவு செய்து வெளியேறியுள்ள நிலையில் 737 குடும்பங்களை சேர்ந்த 2023 பேர் தொடர்ந்தும் தனிமைப்படுத்தப்பட்டுள்ளமை குறிப்பிடத்தக்கது .