தனிமைப்படுத்தலில் இருந்து தப்பி ஓடி நிறைமதுபோதையில் வீதியில் விழுந்து கிடந்த பொலிஸ் உத்தியோகஸ்த்தர்..! பணி நீக்கப்பட்டார்..

தனிமைப்படுத்தல் முகாமிலிருந்து தப்பி ஓடி நிறை மதுபோதையில் வீதியில் விழுந்து கிடந்த மினுவாங்கொட பொலிஸ் நிலையத்தில் பணியாற்றிய பொலிஸ் உத்தியோகஸ்த்தர் பணி நீக்கம் செய்யப்பட்டுள்ளதாக பொலிஸ் ஊடக பேச்சாளர் அஜித் ரோஹண கூறியுள்ளார். 

மினுவாங்கொடை பொலிஸ் நிலையத்தில் சாரதியாக பணி புரிந்து வந்த இவர் தனிமைப்படுத்தல் முகாமிலிருந்து தப்பிச் சென்று, களுத்துறை நகரத்துக்கு சென்று மது அருந்தி வீதியில் கிடப்பதாக கிடைக்கப்பெற்ற தகவலுக்கமைய பொலிஸார் அவரை கைது செய்துள்ளனர்.

இது தொடர்பில் அவதானம் செலுத்திய பொலிஸ் தலைமையகம், பொலிஸ் ஒழுங்காற்று சட்டவிதிகளுக்கமைய அவர் தற்காலிக பணியிடை நிறுத்தம் செய்யப்பட்டுள்ளார்.