மாணிக்க கற்கள், வலம்புரி சங்குகளுடன் வீடொன்றில் மறைந்திருந்த 3 பேர் கைது..! முள்ளியவளையில் சம்பவம்..

மாணிக்க கல், வலம்புரி சங்கு உள்ளிட்ட பெறுமதியான பொருட்களுடன் முல்லைத்தீவு - முள்ளியவளை பகுதியில் உள்ள வீடொன்றில் தங்கியிருந்த 3 பேர் கைது செய்யப்பட்டிருக்கின்றனர். 

விசேட அதிரடிப்படையினருக்கு கிடைத்த இரகசிய தகவலையடுத்து நேற்றய தினம் குறித்த வீட்டை முற்றுகையிட்ட அதிரடிப்படையினர் 20வயது, 24 வயது, 37 வயதான 3 பேரை கைது செய்துள்ளனர். 

அவர்களிடமிருந்து பெறுமதியான வலம்புரி சங்கு மற்றும் வெவ்வேறு நிறையுடைய 10 மாணிக்க கற்கள் கைப்பற்றப்பட்டிருக்கின்றது. கைது செய்யப்பட்டவர்கள் வவுனியா மற்றும் முள்ளியவளை 

பகுதிகளை சேர்ந்தவர்கள் என பொலிஸார் நடத்திய ஆரம்பக்கட்ட விசாரணைகளின் மூலம் தொியவந்திருக்கின்றது. சம்பவம் தொடர்பில் தொடர்ச்சியான விசாரணைகள் இடம்பெற்றுவருகிறது.