இரத்தக் கண்ணீர் வடிக்கும் அம்மன் சிலை!

வவுனியா- சுந்தரபுரத்தில் அமைந்துள்ள புதூர் நாகபூசணி மற்றும் நாகதம்பிரான் ஆலயத்திலுள்ள அம்மன் சிலையின் ஒரு கண்ணில் இருந்து இரத்தக்கண்ணீர் வடிந்து வருவதாக தெரிவிக்கப்படுகிறது. இதனைப் பார்வையிடுவதற்கு பெருமளவு மக்கள் அங்கு படையெடுத்து வருகின்றனர்.     

இன்று காலை பூசகரான பெண் ஆலயத்திற்குள் சென்று பார்த்த போது அம்மன் சிலையில் இருந்து சிவப்பு நிற திரவம் வடிவதை அவதானித்துள்ளார். உடனடியாக அதனை துடைத்த அவர் மீண்டும் அவ்வாறு கண்களில் இருந்து வருவதை அவதானித்தார். இதையடுத்து, ஆலய தொண்டர்களை அழைத்து காண்பித்துள்ளார்.

அவர்களும் அதனை துடைத்து பார்த்த போது மீண்டும் கண்களில் இருந்து இரத்தம் சிந்துவதை அவதானித்த அவர்கள் விசேட பூஜைகளை நடத்தினர். இந்த தகவல் கிராமம் முழுவதும் பரவியதையடுத்து நூற்றுக்கணக்கான அடியவர்களும் அம்மனை தரிசிக்க வந்த வண்ணமுள்ளனர்.