பிரான்சில் இருந்து வந்த இளைஞனை வழியனுப்பச் சென்றவர்கள் விபத்தில் சிக்கினர்!

மதவாச்சியில் நேற்று மாலை இடம்பெற்ற விபத்தில் காயமடைந்த பெண் உட்பட நான்கு பேர் வவுனியா வைத்தியசாலையில் அனுமதிக்கப்பட்டுள்ளனர். 

வவுனியா -தாண்டிகுளம் பகுதியிலிருந்து கட்டுநாயக்க விமான நிலையம் நோக்கி பயணித்த ஹயஸ் ரக வாகனம், முன்னால் பயணித்து கொண்டிருந்த கனரக வாகனத்துடன் மோதி விபத்துக்குள்ளானது.

வவுனியாவின் எல்லைப்பகுதியில் உள்ள, மகாகுபுக்பொல பகுதியில் இந்த விபத்து ஏற்பட்டுள்ளது. ஹயஸ்ரக வாகனத்தில் பயணித்த தாண்டிகுளத்தை சேர்ந்த ஒரே குடும்பத்தை சேர்ந்த 8 பேரில், பெண் உட்பட நான்கு பேர் காயமடைந்த நிலையில் வவுனியா வைத்தியசாலையில் அனுமதிக்கப்பட்டுள்ளனர்.

பிரான்சிலிருந்து வந்திருந்த இளைஞனை விமான நிலையத்திற்கு வழி அனுப்ப சென்ற வேளையில் இந்த விபத்து இடம்பெற்றுள்ளது. விபத்து தொடர்பாக மதவாச்சி பொலிஸார் விசாரணைகளை மேற்கொண்டு வருகின்றனர்.