சென்னையில் மழை நீடிக்கும்.. வானிலை மையம் தகவல்!

சென்னையில் கடந்த ஒரு வாரத்திற்கு மேலாக கனமழை பெய்து வந்தது. இதனால் பல இடங்களில் தண்ணீர் குட்டை போன்று தேங்கியது. இதனை மாநகராட்சி அதிகாரிகள் போர்க்கால அடிப்படையில் அப்புறப்படுத்தினர்.

இந்நிலையில், சென்னையில் கடந்த 2 நாட்களாக மழை குறைந்து வெயில் அடிக்க ஆரம்பித்தது. நேற்று மாலை முதல் மீண்டும் நகரங்களில் பல இடங்களில் கனமழை பெய்து வந்தது.

இது தொடர்பாக வானிலை மையம் அதிகாரி கூறியதாவது: இன்று காலை முதல் வானம் மேகமூட்டத்துடன் காணப்படுகிறது.

சில இடங்களில் விட்டு விட்டு லேசான மழை பெய்து வருகிறது. இதன் காரணமாக சென்னையை பொறுத்தவரையில் சீரான மழை நீடிக்கும் என வானிலை மையம் அதிகாரி தெரிவித்துள்ளார்.

மேலும் வட சென்னை மற்றும் தென் சென்னை பகுதிகளிலும் மழை பெய்யும் என்றும் அவர் கூறியுள்ளார்.