மட்டக்களப்பு மீனவரின் வலையில் சிக்கிய 3000 கிலோ எடையுள்ள இராட்சத திருக்கை!

சுமார் மூவாயிரம் கிலோ எடையுடைய இராட்சத திருக்கை மீன் ஒன்று ஏறாவூர்- சவுக்கடி கடலில் மீனவரின் வலையில் சிக்கியுள்ளது. கே. வைரமுத்து என்பவரது இழுவை வலையில் சிக்கிய இந்த மீனை கரைசேர்ப்பதில் மீனவர்கள் பெரும் சிரமப்பட்டனர். 

இந்த மீன் துண்டங்களாக வெட்டப்பட்டு சுமார் ஒன்பது இலட்சம் ரூபாவுக்கு தனியார் கம்பனியொன்றுக்கு விற்கப்பட்டது. சமீப நாட்களில் அசாதாரண காலநிலையினால் மீன்கள் குறைவாக சிக்குகின்ற போதிலும் எதிர்பாராதவிதமாக இவ்வாறான இராட்சத மீன் சிக்கியுள்ளமை குறிப்பிடத்தக்கது.