அடையாளம் காணப்படாத இரு சடலங்கள் மீட்பு! ஒரு சடலம் குறித்து விசாரிக்க சென்றபோது இரு சடலங்கள் கண்டுபிடிப்பு..

பெண்ணின் சடலம் காணப்படுவதாக கிடைத்த தகவலடிப்படையில் சம்பவ இடத்திற்கு சென்ற பொலிஸார் அங்கிருந்து மேலும் ஒரு சடலத்தையும் மீட்டிருக்கின்றனர். 

குறித்த சம்பவம் கொழும்பு - தொட்டலங்க பகுதியில் இடம்பெற்றிருக்கின்றது. தொட்டலங்க சேதவத்த கறுத்த பாலம் அருகே ஆற்றங்கரையில் பெண்ணொருவரின் சடலம் மீட்கப்பட்டதாக பொலிஸார் தெரிவித்தனர். 

நேற்று இரவு முதல் குறித்த சடலம் அவ்விடத்தில் காணப்பட்டுள்ளது. கிராண்ட்பாஸ் பொலிஸார் இன்று காலை ஸ்தலத்துக்குச் சென்று சடலம் குறித்த விசாரணைகளை ஆரம்பித்தனர்.

இதேவேளை மற்றுமொரு ஆணின் சடலம் இன்று காலை தொட்டலங்க விக்டோரியா பாலமருகே கண்டுபிடிக்கப்பட்டது. குறித்த சடலங்கள் தொடர்பில் மேலதிக விசாரணைகளை 

பொலிஸார் மேற்கொண்டு வருகின்றனர்.