பாடசாலைகள் மீள திறக்கப்படுவது தொடர்பாக நாளை முக்கிய தீர்மானம்..! சுகாதார வழிகாட்டல் சமர்ப்பிக்கப்பட்டதால் எதிர்பார்ப்பு..

நாட்டில் கொரோனா தொற்று பரவல் காரணமாக பாடசாலைகள் மூடப்பட்டிருக்கும் நிலையில் மூடப்பட்டிருக்கும் பாடசாலைகளை மீள திறப்பது தொடர்பாக நாளை முக்கிய அறிவிப்பு வெளியாகலாம். என தொிவிக்கப்படுகின்றது. 

இது தொடர்பில் கல்வி அமைச்சின் அதிகாரிகள் அவதானம் செலுத்தியுள்ளதோடு, நாளைய தினத்தில் பாடசாலைகளை மீள திறப்பது பற்றிய தெளிவுபடுத்தல்கள் இடம்பெறவுள்ளதாக அறியமுடிகிறது.எவ்வாறாயினும் நாடு முழுவதும் உள்ள பாடசாலைகளை 

கட்டம் கட்டமாக திறப்பதற்கு கல்வியமைச்சு நடவடிக்கைகளை மேற்கொண்டுள்ளதாக தெரிவிக்கப்படுகிறது. இதற்கான பரிந்துரையும் வழிகாட்டலும் அடங்கிய அறிக்கை கடந்த வாரம் கல்வி அமைச்சிடம் சுகாதார அமைச்சு கையளித்திருந்தது.

இந்த நிலையில் நாளை வெள்ளிக்கிழமை கல்வி அமைச்சர் தினேஷ் குணவர்தனவினால் பாடசாலைகள் திறக்கப்படும் தினம் தொடர்பான அறிவிப்பு வெளிவரலாம் என எதிர்பார்க்கப்படுகிறது.