ஆயுதங்கள் மற்றும் கை குண்டுகளுடன் காட்டில் நடமாடியவர் கைது..! அவருக்கு உதவிய மற்றொருவரும் கைது..

ஆயுள் தண்டணை விதிக்கப்பட்டு 11 வருடங்கள் சிறையிலிருந்த நபர் ஒருவர் காட்டுக்குள் துப்பாக்கி மற்றும் கைகுண்டுகளுடன் கைது செய்யப்பட்டிருப்பதாக பொலிஸ் ஊடக பேச்சாளர் பிரதி பொலிஸ்மா அதிபர் அஜித் ரோஹண கூறியுள்ளார்.

சந்தேக நபர் ஆயுள் தண்டனை விதிக்கப்பட்டு 11 வருடங்கள் சிறை தண்டனை அனுபவித்தவர் என்றும், இவருக்கு உதவி ஒத்தாசைகளை வழங்கியதாக மேலும் ஒருவர் கைது செய்யப்பட்டுள்ளதாகவும் 

பிரதிப் பொலிஸ்மா அதிபர் குறிப்பிட்டார். வெல்லம்பிட்டி பொலிஸாரால் நேற்று சனிக்கிழமை வெல்லம்பிட்டி - சிங்கபுர பகுதியில் மேற்கொள்ளப்பட்ட சோதனை நடவடிக்கையின்போது 40 வயதுடைய குறித்த நபர் கைது செய்யப்பட்டுள்ளார். 

அவரிடமிருந்து வெளிநாட்டில் தயாரிக்கப்பட்ட கைக்குண்டு ஒன்றும், அபயகரமான கூரிய ஆயுதங்கள் இரண்டும் கைப்பற்றப்பட்டுள்ளன.