சீன நாட்டவர்கள் 4 பேர் உட்பட 6 நிர்மாண பணியாளர்களுக்கு கொரோனா..! சற்று முன்னர் 46வது கொரோனா மரணமும் பதிவானது..

சைனா ஹாபர் இஞ்சினியரிங் நிறுவனம் ஊடாக கொழும்பில் நிர்மாண பணி ஒன்றில் வேலைபுரிந்த 4 சீன நாட்டவர்களுக்கும், இரு இலங்கையர்களுக்கும் கொரோனா தொற்று உறுதிப்படுத்தப்பட்டிருக்கின்றது. 

இவர்கள் கொழும்பு துறைமுக நகர் கட்டுமான பகுதியில் அமைக்கப்பட்டிருந்த தற்காலிக கட்டிடமொன்றில் தங்கியிருந்துள்ளனர்.

குறித்த நிறுவனத்தின் அனைத்து ஊழியர்கள் மீதும் மேற்கொள்ளப்பட்ட பிசிஆர் பரிசோதனையில் குறித்த தொற்றாளர்கள் இனங்காணப்பட்டுள்ளது. 

கொழும்பு போர்ட் சிட்டி திட்டத்தின் ஊழியர்களுக்கும் அவர்களுக்கும் எவ்வித தொடர்பும் இல்லை எனவும் கொழும்பு போர்ட் சிட்டி அறிக்கை ஒன்றை வௌியிட்டு தெரிவித்துள்ளது.

எவ்வாறாயினும், கொழும்பு போர்ட் சிட்டியின் முதன்மை திட்டத்தின் பணிகள் வழக்கம் போல் இடம்பெற்று வருவதாக அந்த நிறுவனம் குறிப்பிட்டுள்ளது.

மேலும் சற்று முன்னர் 46வது கொரோனா நோயாளி இலங்கையில் உயிரிழந்துள்ளார்.