சுயேட்சைக்குழு வேட்பாளர் சந்திரகுமாரின் சுவரொட்டிகளுடன் மூவர் கைது!

யாழ்ப்பாண தேர்தல் மாவட்டத்தில் போட்டியிடும், சுயேட்சைக்குழு வேட்பாளர் முருகேசு சந்திரகுமாரின் தேர்தல் சுவரொட்டிகளுடன் மூன்று பேர் பொலிசாரால் கைது செய்யப்பட்டுள்ளனர்.

முச்சக்கர வண்டி ஒன்றில், சந்திரகுமாரின் தேர்தல் சுவரொட்டிகளுடன் சென்ற மூவரே, நெல்லியடி பொலிசாரால் நேற்று கைது செய்யப்பட்டுள்ளனர். அவர்களிடம் இருந்து 270 தேர்தல் சுவரொட்டிகள் மற்றும் முச்சக்கர வண்டி ஆகியனவற்றையும் பொலிசார் பறிமுதல் செய்துள்ளதாக தகவல்கள் தெரிவிக்கின்றன.

கைது செய்யப்பட்ட சந்தேக நபர்களை நீதிமன்றத்தில் நிறுத்த நடவடிக்கை எடுத்துள்ளதாக பொலிஸ் தரப்பு தகவல் வெளியிட்டுள்ளது.