ஓமந்தையில் லொறி குடை சாய்ந்தது - உதவியாளர் காயம்!

வவுனியா- ஓமந்தை மத்திய கல்லூரிக்கு அருகே நேற்று மாலை 5.30 மணியளவில் லொறி குடைசாய்ந்து விபத்துக்குள்ளானதில் ஒருவர் காயமடைந்தார். 

ஏ9 வீதியூடாக பயணித்துக் கொண்டிருந்த ஓமந்தை பொலிஸாரின் வாகனம் சேமமடு வீதியில், திரும்ப முற்பட்ட போது, அதே பாதையில் பொலிஸாரின் வாகனத்திற்கு பின்புறமாக சென்று கொண்டிருந்த லொறியின் சாரதி திடீரென திருப்ப முற்பட்ட போது, லொறி குடைசாய்ந்து விபத்துக்குள்ளானது.

இவ்விபத்தில் லொறியில் பயணித்த உதவியாளர் சிறு காயங்களுக்குள்ளாகியுள்ளார். சம்பவ இடத்திற்கு விரைந்த ஓமந்தை பொலிஸார் போக்குவரத்தினை சீர்செய்ததுடன் மேலதிக விசாரணைகளை மேற்கொண்டு வருகின்றனர்.