வவுனியா, பாலமோட்டையில் வயலுக்குச் சென்றவரை வளைத்து தாக்கிய கரடிகள்!
வவுனியா, பாலமோட்டையில் கரடி தாக்கியதில், ஒருவர் காயமடைந்துள்ளார். அவர் சிகிச்சைக்காக வவுனியா மருத்துவமனையில் சேர்க்கப்பட்டுள்ளார்.
நேற்றுக் காலை வயலுக்குச் சென்ற 42 வயதுடைய சிவகுமாரன் என்பவர் மீதே கரடிகள் தாக்குதல் நடத்தியுள்ளன. பற்றைகளுக்குள் மறைந்திருந்த 3 கரடிகள் தாக்குதல் நடந்தின என்று கூறப்படுகின்றது.
தாக்குதலால் காயமடைந்த சிவகுமாரன், அந்த இடத்தில் இருந்து ஓடித் தப்பியுள்ளார். கையில் காயம் ஏற்பட்டுள்ள நிலையில் தற்போது வவுனியா மருத்துவமனையில் சிகிச்சை பெற்று வருகின்றார் என்று தெரிவிக்கப்பட்டுள்ளது.