SuperTopAds

செம்மஞ்சள் நிறப் பைத்தியக்காரனின் அணுக்கருத் தாக்குதலில் இருந்து மக்கள் தங்களைப் பாதுகாப்பது குறித்து ஈரானில் விழிப்புணர்வு!

ஆசிரியர் - Editor IV
செம்மஞ்சள் நிறப் பைத்தியக்காரனின் அணுக்கருத் தாக்குதலில் இருந்து மக்கள் தங்களைப் பாதுகாப்பது குறித்து ஈரானில் விழிப்புணர்வு!

அமெரிக்க அதிபர் டிரம்பின் வாக்குறுதி மீறல் மற்றும் தேர்தல் இரவில் ஈரான் மீதான தாக்குதல் தொடர்பான பின்னணியில், அணுக்கருத் தாக்குதலில் இருந்து மக்கள் தங்களைப் பாதுகாப்பது எப்படி என்பது குறித்த எச்சரிக்கையையும் வழிகாட்டுதலையும் ஈரானிய தொலைக்காட்சி வெளியிட்டுள்ளது.

நவம்பர் 3, 2026 கெய்ரோ நேரப்படி பிற்பகல் வேளையில் — அதாவது சுமார் இரண்டு மணித்தியாலங்களுக்கு முன்பாக — ஈரானிய தொலைக்காட்சியும் ஊடகங்களும் ஒரு எச்சரிக்கை வீடியோவை வெளியிட்டன. ஈரானின் மீது அணு குண்டு வீசப்பட்டால் அல்லது அணுக்கருத் தாக்குதல் நடத்தப்பட்டால் மக்கள் எவ்வாறு தங்களைப் பாதுகாத்துக் கொள்ள வேண்டும் என்ற சில அறிவுறுத்தல்களும் எச்சரிக்கைகளும் அந்த வீடியோவில் இடம்பெற்றுள்ளன.

அந்த வழிகாட்டுதல்களில் கூறப்பட்டிருப்பவை:

வெளியில் இருந்தால்: அணுவெடிப்பின் போது உருவாகும் அதிதீவிர ஒளி மற்றும் கதிர்வீச்சை நேரடியாகப் பார்க்கக் கூடாது.

உடனடியாக ஒரு சுவருக்குப் பின்னால் மறைந்து கொள்ள வேண்டும். விரைவாக வீட்டிற்குள் சென்று கதவுகளைப் பூட்டிக் கொள்ள வேண்டும்.

சுய சுத்தம் மற்றும் உடைகள்: உங்களது கைகளை எப்போதும் மிதமான வெந்நீரையும் சோப்பையும் பயன்படுத்தி நன்கு கழுவ வேண்டும்.

வெளியில் இருந்த போது நீங்கள் அணிந்திருந்த உடைகளைக் கழற்றி ஒரு கறுப்புப் பையில் போட்டு மூட வேண்டும். வீட்டிற்குள் இருந்தால் அதை வெளியே தூக்கி வீசக் கூடாது வெளியில் இருந்தால் உடனடியாக ஏதேனும் ஒரு இடத்தில் வீசிவிட வேண்டும்.

அணுவெடிப்பின் அதிர்வுகளையும் பேரிரைச்சலையும் கேட்டவுடன், வீட்டின் கீழ் தளத்திற்கு அல்லது பாதாள அறைக்குச் சென்று சுவர்களுக்குப் பின்னால் பாதுகாப்பாக இருக்க வேண்டும்.

எக்காரணம் கொண்டும் வீடியோக்களோ புகைப்படங்களோ எடுப்பதற்காக வெளியில் வரக்கூடாது. காட்சிகளை வேடிக்கை பார்க்கவோ, மற்றவர்களுக்கு உதவவோ வெளியில் வர வேண்டாம் எனத் திரும்பத் திரும்ப வலியுறுத்தப்பட்டுள்ளது.

ஏனெனில் இந்த அணுக்கதிர்வீச்சு மிகவும் ஆபத்தானது மற்றும் உயிரைக் கொல்லக்கூடிய நச்சுத்தன்மை வாய்ந்தது.

ஈரானிய தொலைக்காட்சி இந்த வீடியோவை வெளியிடுவதற்கு சில மணிநேரங்களுக்கு முன்பு, டக்கர் கர்ல்சன் என்பவரால் ஒரு ட்வீட் பதிவிடப்பட்டது.

அந்தப் பதிவு சுமார் 50 மில்லியன் பார்வையாளர்களைக் கடந்துள்ளது.

அதில் அவர் குறிப்பிட்டதாவது-

நவம்பர் 7 ஆம் திகதி அமெரிக்க காங்கிரஸின் இரு அவைகளுக்கான தேர்தலிலும் டொனால்ட் டிரம்ப் தோல்வியடைந்த பிறகு, பெஞ்சமின் நெதன்யாஹுவின் தூண்டுதலால் ஈரான் மீது ஒரு கொடூரமான அணுக்கருத் தாக்குதலை அமெரிக்கா நடத்தும்.

இந்தத் தாக்குதலின் பேரழிவு விளைவுகள் பாரசீக வளைகுடா மற்றும் அரபிக் வளைகுடா நாடுகளில் பல இடங்களில் மிக மோசமாகப் எதிரொலிக்கும்.

அதாவது, ஈரான் மட்டுமல்லாது முழு வளைகுடாப் பிராந்தியமுமே இதனால் கடுமையாகப் பாதிக்கப்படும்.

ஈரானிய தொலைக்காட்சி வெளியிட்ட இந்த எச்சரிக்கை சாதாரணமானது அல்ல. ஏனெனில் அவர்கள் தங்கள் வரலாற்றில் இதுவரை இதுபோன்று தொலைக்காட்சியில் அணுக்கரு எச்சரிக்கை வீடியோவை வெளியிட்டதே இல்லை.

அமெரிக்கா ஈரான் மீது அணுக்கருத் தாக்குதல் நடத்துவதற்கான சாத்தியக்கூறுகள் மிக அதிகம் என்பதையே இது காட்டுகிறது. "செம்மஞ்சள் நிறப் பைத்தியக்காரன்" என்று ஆக்சியோஸ் (Axios) இணையதளம் நேற்று முன்தினம் குறிப்பிட்டது போல, தேர்தலில் தோற்றால் டிரம்ப் மிகவும் வன்முறையாகவும் மூர்க்கத்தனமாகவும் நடந்து கொள்வார்.

Radio