ஃபிஃபா - உலகக்கோப்பை பங்குகளை விற்கும் முயற்சிக்கு ஜியானி இன்பான்டினோ கடிதம்!

உலகக்கோப்பைத் தொடரின் பங்குகளை விற்பனை செய்யும் திட்டத்தைத் தொடர்ந்து, ஃபிஃபா (FIFA) அமைப்பின் தலைவர் ஜியானி இன்பான்டினோ அனைத்து உறுப்பு நாடுகளுக்கும் ஒரு முக்கியக் கடிதத்தை எழுதியுள்ளார்.

'தி டைம்ஸ்' வெளியிட்டுள்ள தகவலின்படி, இந்த விவகாரம் கால்பந்து உலகில் பெரும் விவாதத்தை ஏற்படுத்தியுள்ளது.

"இந்தத் திட்டத்துடன் முன்னோக்கிச் செல்வதா இல்லையா என்ற முடிவு முழுமையாக உங்களுடையதுதான்" என்று இன்பான்டினோ தனது கடிதத்தில் குறிப்பிட்டுள்ளார்.

உறுப்பு நாடுகள் இந்தத் திட்டத்தை ஏற்றுக்கொள்ள விரும்பினால், ஜனவரி 1, 2027 முதல் இந்த 10 பில்லியன் டொலர் மதிப்புள்ள நிதித் தொகுப்பு பயன்பாட்டுக்கு வரும். இது நமது பயணத்தின் அடுத்த கட்டத்திற்கு வழிவகுக்கும்.

இதேநேரம் மாற்றங்கள் எதுவும் வேண்டாம் என பழைய முறையையே நாடுகள் விரும்பினாலும், ஏற்கனவே திட்டமிடப்பட்ட 2.7 பில்லியன் டாலர் மதிப்பிலான 'ஃபார்வர்டு புரோகிராம்' - வளர்ச்சி நிதி தொடர்ந்து கிடைக்கும்.

ஜனவரி 1, 2027 அன்று தொடங்கவிருக்கும் வரவிருக்கும் சுழற்சியில், இந்தப் புதிய பயணத்தின் கீழ் ஒவ்வொரு உறுப்பு நாடும் அதிகபட்சமாக 40 மில்லியன் டாலர்கள் வரை பெற்றுக்கொள்ளும் வாய்ப்பைப் பெறலாம்.

உலகக்கோப்பை வணிகமயமாக்கல் மற்றும் நிதி உதவி குறித்த இந்த அதிரடி கடிதம் தற்போது சர்வதேச கால்பந்து சங்கங்கள் மத்தியில் பெரும் பரபரப்பை ஏற்படுத்தியுள்ளது