மம்தாவின் 15 ஆண்டு கால ஆதிக்கத்தை வீழ்த்தி மேற்கு வங்கத்திலும் பாஜக ஆட்சி!

மேற்கு வங்க சட்டப்பேரவைத் தேர்தலில் பாரதிய ஜனதா கட்சி சுமார் 200 தொகுதிகளில் முன்னிலை பெற்று, அம்மாநில வரலாற்றில் முதல்முறையாக ஆட்சியைப் பிடிக்கிறது.

இதன் மூலம் மம்தா பானர்ஜியின் 15 ஆண்டு கால ஆட்சி முடிவுக்கு வந்துள்ளது. திரிணமூல் காங்கிரஸ் கட்சி 80-க்கும் அதிகமான இடங்களைக் கைப்பற்றி பிரதான எதிர்க்கட்சியாக உருவெடுத்துள்ள நிலையில், காங்கிரஸ் மற்றும் கம்யூனிஸ்ட் கட்சிகள் ஒற்றை இலக்க இடங்களிலேயே சுருங்கியுள்ளன.

இந்தத் தேர்தலில் பாஜக 45 சதவீதத்திற்கும் அதிகமான வாக்குகளைப் பெற்றுள்ள நிலையில், நந்திகிராம் தொகுதியில் முன்னிலை வகிக்கும் சுவேந்து அதிகாரி அடுத்த முதலமைச்சராகப் பொறுப்பேற்க வாய்ப்புள்ளதாகக் கருதப்படுகிறது.

எனினும், திலீப் கோஷ் மற்றும் அக்னிமித்ரா பால் ஆகியோரின் பெயர்களும் முதல்வர் பதவிக்கான பரிசீலனையில் உள்ளன. மேற்கு வங்க அரசியல் களத்தில் இது ஒரு மிக முக்கியமான மாற்றமாகப் பார்க்கப்படுகிறது.